Хүүхдийн Номын Ордон

Эртэч хүүхэд - 8 хөтөлбөр

Хэвлэх PDF

"Нэг дэлхий, нэг улс, нэг гэр бүл" уриатайгаар хэрэгжүүлж буй эртэч хүүхэд-8 хөтөлбөрөө "Зуны аялал- Зугаатай уншлага" хүрээнд явууллаа. Бид гэр бүлээрээ үүргэвчтэй номын аялалд гарч, хээрийн амтат цай уусан нь хүүхдүүдийн хувьд сонирхолтой байлаа. Энэ өдрийг гэр бүлээрээ номтой нөхөрлөж, хөгжилдөн тоглож, номноос авсан мэдлэгээ найз нөхөд, аав ээжтэйгээ хуваалцаж өнгөрүүлсөн юм. Г.Жамба, Б.Гүнбилэгт нар уншсан номынхоо талаар бусадтайгаа хуваалцаж, Г.Мөнх-Оргил "Янзага" хэмээх цээжилсэн шүлгээ уншиж, Мөнхдэлгэр эгч Мөнхзаяатайгаа  номноос сурсан шинэ дуугаа найз нөхөддөө дуулж сонирхууллаа. Мөн аялалд оролцсон бүх өрхийн хүүхдүүд аав ээжүүдтэйгээ олон төрлийн тоглоомуудыг хамтран тоглосон юм. Аялалын төгсгөлд гэр бүлүүд бие биендээ талархалын үгтэй тэврэлт хийж урам хайрласан билээ.

1 2
3 4
5 8
9 10

Шинэ номын мэдээ

Хэвлэх PDF

Дэлгэрэнгүй...

Эртэч хүүхэд-5 хөтөлбөр

Хэвлэх PDF

Эртэч хүүхэд хөтөлбөрөө 5 дахь удаагаа амжилттай явууллаа. Энэ удаагийн хөтөлбөрийг хүүхдийн эрхийг хамгаалах өдөрт зориулан явуулсан юм. Бид хүүхэд багачуудынхаа дунд дурст зургийг эвлүүлцгээе, хурдан цээжлэгч хэн нь вэ?, гэр бүлээрээ урлах эрдэмд суралцъя зэрэг олон сонирхолтой ажлуудыг явууллаа. Зохиолч, яруу найрагч Ц.Энхтүвшин эгч бидний хөтөлбөрт урилгаар оролцож өөрийн бүтээлээс уншиж сонирхуулж, цаасаар бүтээл хийх эрдэмд сургасан нь нийт гэр бүлийн гишүүдийн сонирхолыг татаж талархалыг хүлээсэн сайхан ажил боллоо. Тэмцээн уралдаан бүр нь номын бэлэгтэй байсан нь эцэг эхчүүд болон хүүхдүүдэд тааламжтай байсан юм. Хөтөлбөрийнхөө төгсгөлд бид хүүхдүүддээ ДЗОУБ-ын Баянхошуу төвийн ах эгч нарынх нь бэлтгэсэн хүүхдийн баярын бэлгийг гардууллаа.      

 MG_2249  MG_2275
 MG_2193  MG_2252
 MG_2307  MG_2323

Зохиолчидтой хамт өнгөрүүлсэн зуслангийн өдрүүд

Хэвлэх PDF

 Хүүхдийн номын ордон, Хүүхдийн зохиолчдын үндэсний төв хамтран "Нарлаг" зусланд Зохиолч-Уншигчийн уулзалт өдөрлөг зохион байгууллаа. Зохиолчид 3 хоног "Нарлаг" зусланд ажиллаж, хүүхэд насандаа эргэж очсон мэт олон сайхан дурсамжаа сэргээж байлаа. Өглөө эрт бүрээн дуунаар сэрж, гимнастик хийж, дуу бүжиг сурж, тэмцээн уралдаан зохион байгуулж, номын бяцхан өргөө нээж, уншигч хүүхэд багачуудтайгаа уулзалт хийж ирлээ. Нарлаг зусланд Өвөр Монгол, Солонгос, Японоос хүүхдүүд ирж амарч байлаа.Тэнд хоол нь амттай, бүтэн өдрийн турш тасралтгүй арга хэмжээтэй, үнэхээр хөгжилтэй сайхнаар өдрийг өнгөрүүлж амарч байна.Уулзалтанд хүүхдийн зохиолч Ч.Наранцэцэг, Л.Мөнхбат, зохиолч , яруу найрагч Ц.Энхтүвшин нар оролцож уншигч хүүхэд багачууддаа уран бүтээлээсээ толилууллаа. Мөн зохиолчид зуслангийн номын өргөөг нээж номын бэлгээр мялаасан юм. Уулзалт өдөрлөгийн үеэр ХНО-оос хүүхдүүдийн дунд АХА тэмцээн, "Хэн хамгийн сайн уншигч вэ" зэрэг уралдаан тэмцээнүүдийг зохион явуулж амрагч хүүхдүүд идэвхтэй сайн оролцлоо. "Хэн хамгийн сайн уншигч вэ?" уралдаанд Буд бүлгийн Бүтэнжаргал, Сугар бүлгийн Туул, Бархас бүлгийн Гончигсүрэн, Санчир бүлгийн Анужин, Дэлхий бүлгийн Алтанзул, Ангараг бүлгийн Сарнай нар шалгарлаа. Нарлаг зуслангийн захирал МУ-ын гавьяат уурхайчин Дамдинсүрэн, зуслангийн ерөнхий зохицуулагч Мөнхбат нар энэ ажиллагааг дэмжин "Цаашид сурагчдын амралтын ээлж бүрт ийм арга хэмжээ зохион байгуулах нь ихээхэн үр өгөөжтэй юм" хэмээж бидэнд талархсанаа илэрхийллээ.

DSC02249 DSC02251
DSC02238 DSC02242
10608961 715233025214994_769204397_n 10596007 715233585214938_1802042998_n
10596286 715233318548298_656787231_n 10596060 715234345214862_1150748203_n

 

Хүүхдийн зохиолчид зусланд зочиллоо.

Хэвлэх PDF

 Хүүхдийн номын ордон, МЗЭ-ийн дэргэдэх Хүүхдийн зохиолчдын үндэсний төв хамтран "Хөгжилтэй зуслан-Хүүхдийн зохиолч" арга хэмжээг хүүхдийн зусланд зохион явууллаа.Энэхүү хөтөлбөрийн зорилго нь зусланд амарч буй хүүхэд багачуудыг номтой нөхөрлөх, номонд шимтэн дурлах хүсэл сонирхолыг төрүүлэх, тэдний утга уран зохиолын авьяас билгийг нээн илрүүлэх, хөгжүүлэхэд оршиж байлаа. МЗЭ-ийн шагналт хүүхдийн зохиолч Б.Нацагдорж, О.Сундуй, Н.Мандал, Л.Мөнхбат нар Хандгайт зуслангийн хүүхэд багачуудтай уулзаж өөр өөрсдийн зохиол бүтээлээ танилцуулж тэдэнтэй явган аялалд хамтдаа явж нэг өдрийг өнгөрүүлсэн юм. МЗЭ-ийн шагналт О.Сундуй хамгийн сүүлд бичсэн шүлгүүдээ уншиж, Н.Мандал шинэхэн бүтээл "Солонгон улсад худалдагдсан нь", Л.Мөнхбат "Амтат мөрөөдөл", "Дүрсгүйчүүлийн сургууль" бүтээлээ танилцуулж, Б. Нацагдорж "Хүүхдүүд инээмсэглэн дуулдаг" шүлгээ уншиж, "Ээжийн бүүвэйтэй хэл" "Харц" дууныхаа тухай дурсамжаа хүүхдүүдтэй хуваалцлаа. 

DSC02163 DSC02146
DSC02125 DSC02100
DSC02153 DSC02212