Хүүхдийн Номын Ордон

БИЛИГ ОЮУН “ДАМДИН - ДА” сангийн Өргөмжлөл мөнгөн шагналаар шагнууллаа

Хэвлэх PDF

      Боловсрол, соёл урлаг, шинжлэх ухааны зарим салбарт нээлт, шинэ бүтээл, тодорхой амжилт гаргасан хувь хүн, хамт олныг дэмжих зорилго бүхий БИЛИГ ОЮУН “ДАМДИН - ДА” сан үүсгэн байгуулагдсаны 20 жилийн ойг тохиолдуулан дараах хувь хүн, хамт олонд Хүндэт өргөмжлөл, Өргөмжлөл, мөнгөн шагнал олгов. Үүнд:

  1. Хүн судлалаар судалгаа шинжилгээ хийж, цуврал бүтээл туурвисаны төлөө Философийн шинжлэх ухааны доктор /Sc,D/, профессор, Шинжлэх ухааны Гавьяат зүтгэлтэн Цэрэнпилийн Балхаажавд Хүндэт Өргөмжлөл, мөнгөн шагнал олгов.

 2. Эх оронч үзэл, монголчуудын Төв үзлийн талаар гүнзгий судалгаа хийж “Бид ялав” бүтээл туурвисаны төлөө Физикч, сэтгүүлч Чулуунбатын Эрдэнэд Өргөмжлөл, мөнгөн шагнал олгов.

 3. “Хөх жавар” тууж, “Цагаагчин гахай жил” түүхэн роман туурвисаны төлөө Хүмүүнлэгийн ухааны доктор (Sc.D) профессор Соёлын гавьяат зүтгэлтэн, Д. Нацагдоржийн шагналт зохиолч, МУИС-ийн Утга зохиол, урлаг судлалын тэнхимийн багш Долгорын Цэнджавд Өргөмжлөл, мөнгөн шагнал олгов.

 4. Циркийн урлагийн уран нугаралтын төрөлд хосгүй авьяас, гайхалтай ур чадвараа дайчлан үнэтэй хувь нэмэр оруулсаны төлөө Төрийн шагналт, Ардын жүжигчин Бэгзсүрэнгийн Норовсамбууд Хүндэт Өргөмжлөл, мөнгөн шагнал олгов.

 5. Монгол уртын дуу болон ардын дууны таталгуудыг уран чадварлаг хуурдаж, морин хуурын оркестрын тэргүүн хөгжимчний үүргийг амжилттай гүйцэтгэж байгаагийн төлөө Их морин хуурч, Ардын жүжигчин ҮДБЭ-ийн их чуулгын гоцлол хөгжимчин Чүлтэмийн Батсайханд Өргөмжлөл, мөнгөн шагнал олгов.

 6. Монголын уламжлалт бүжиг болон бий биелэгээг судалж, хөгжүүлснээр “Д.Нанжидын Монгол бүжгийн сургалт ” –дэг сургуулийг бий болгосны төлөө Монгол улсын Гавьяат жүжигчин, СУИС-ийн Бүжгийн сургуулийн бүжгийн багш Дунжаагийн Нанжидад Хүндэт Өргөмжлөл, мөнгөн шагнал олгов.

 7. “Бага хуралдай” эрдмийн чуулганы эхний 55 ярилцлага тэргүүн боть номыг санаачлан бүтээсний төлөө Сэтгүүлч “Соён гэгээрүүлэгч” телевизийн Ерөнхий захирал Шархүүгийн Хишигсүрэнд Өргөмжлөл, мөнгөн шагнал олгов.

 8. Аугаа гайхамшигт уран зургийн нэгэн өвөрмөц төрөл болох бичил аргыг монголын уран зурагт хэрэглэсний төлөө МУСТА Дүгэрийн Болдгаравд Өргөмжлөл, мөнгөн шагнал олгов.

 9. Хүүхдийн билиг оюуныг хөгжүүлэх, танин мэдэхүйн боловсролыг дээшлүүлэхэд бодитой хувь нэмэр оруулж буйн төлөө Монголын Хүүхдийн Номын Ордны хамт олонд Өргөмжлөл, мөнгөн шагнал олгов.

 

Зарлал

Хэвлэх PDF

         Герман уншлагын танхимд барилгын засвар хийх болсон тул 11-р сарын 29-ны Бямба гарагаас 12-р сарын 15-ны Даваа гараг хүртэл нийтэд үйлчлэхгүй болохыг анхаарна уу.

Германы Мэдээллийн Номын Сан

УРИЛГА

Хэвлэх PDF

 Уран  бичлэг сонирхдог, сурахыг хүсч буй оюутан залуус та бүхнийг манай Уран бичлэгийн дугуйланд хүрэлцэн ирэхийг урья.

untitled1

 

Хэзээ:      2014 оны 11-р сарын 29-нд 13.00 цагт

 

Хаана:     Хүүхдийн номын ордон, Дорно дахины танхим

 

 

 

Номын санчийн харилцааны соёл

Хэвлэх PDF

 

 Номын санчийн харилцааны соёл

1. Харилцаа нь үйлчилгээний үйл ажиллагааны маш чухал бүрэлдэхүүн хэсэг юм. Харилцаа нь мэдээллийг хүлээн авах, нэвтрүүлэх, дамжуулах үйл явц учраас сэтгэлзүйн мэдлэг зайлшгүй хэрэгтэй. Соёлтой бус харилцаанаас болж үйлчлүүлэгч,хэрэглэгчид эвгүй байдалд орох, ойлголцохгүй, ажил бүтэхгүй байх, бие биенийгээ гомдоох, сэтгэл санаагаар унагаах сөрөг талуудтай. Хүн хүнтэйгээ харилцаж сурах нь насан туршийн мөрдөх ёс юм. Хүмүүс өөр хоорондоо харилцахдаа үгээр дамжиж ойлголцохоос өөр юугаар ч дамжин харилцдаггүй. Иймээс харилцааны соёл нь үйлчилгээний ажилтнуудад чухал юм.

2. Хүний сэтгэл санааг сэргээж, урам хайрлан ажил үйлсэд нь анхаарал тавьж, хүндэтгэн аялгуу сайхан үгээр санаагаа илэрхийлэх чадвараар харилцааны соёлын нэг тал илэрдэг. Харилцааны соёл хэл ярианы эрхэм ёсыг чанд сахиж, хүмүүсийн сэтгэл зүй, хүнтэй зөв харилцаа тогтоож чаддаг байхыг шаардана.

3. Хүнтэй харилцах чанар нь мэргэжилдээ тэнцэж байгаа эсэхийг хэмжих гол шалгуур юм. Өөрөөр хэлбэл үйлчилгээний үйл явцыг хөдөлгөгч механизм нь харилцаа юм.
Үйлчилгээний практикаар шалгагдсан дэвшилт зүйл, ажлын ололт амжилт, үйлчлэх ур дүй, харилцааны соёл нь үйлчилгээний соёл гэсэн ойлголтонд багтана.
Номын сан нь нэгэн төрлийн үйлчилгээний байгууллага учраас дээд зэргийн үйлчилгээний соёлтой байх хэрэгтэй.

4. Үйлчилгээний соёлыг:

  • Мэдлэг чадварын
  • Зохион байгуулалтын
  • Ёс суртахууны
  • Гоо сайхны гэж ангилдаг.

Мэдлэг чадварын соёл: Энэ нь хүнд хуримтлагдаж бий болсон, ашиглахад хэдийд ч бэлэн нөөц хүч юм. Өөрөөр хэлбэл олж авсан мэдлэг боловсрол, мэргэжил мэргэшлээ практикаар хөгжүүлж эзэмшдэг гэсэн үг. Мэдлэг чадварын түвшинг мэдлэг, боловсрол, мэргэжил, мэргэшил, дадал гэсэн 5 үндсэн шалгуураар үнэлнэ.

Зохион байгуулалтын соёл: Үүнд эмх цэгцтэй байх, дэг журам сахих, хийх ажлаа нарийн зохион байгуулах, дүрэм горимыг чанд баримтлах, ариун цэвэрч байдлыг эрхэмлэх асуудлууд багтана.

Гоо сайхны соёл: Гоо сайхны соёлд орчны тохижилт, тавилга хэрэгслийн зохицол, ажиллагсдын хувцаслалт, биеэ авч явах байдал зэрэг олон зүйл багтана. Ийм учраас үйлчилгээний танхим, өрөө тасалгаагаа үзэмжтэй байлгаж, хувийн өндөр соёл эзэмших нь гоо сайхны соёлыг хангах чухал хүчин зүйл болно. Гоо сайхны соёлыг хөдөлмөрийн нөхцлийн, ажиллагсдын гэж ангилж болно.

Ёс суртахууны соёл: Үйлчлүүлэгч хэрэглэгчтэй анхааралтай, эелдэг, соёлч боловсон харилцан ярилцах чадвараар тодорхойлогдоно. Харилцах эв дүй, хүндлэх мэндлэх, талархах ёс, ярих харилцах урлагийг эзэмшсэн байдал, эелдэг сайхан зан, элгэмсэг чанарууд нь ёс суртахууны соёлын гол хүчин зүйлүүд юм. Хэрэглэгч бүрд нэг загварын харилцаа тэр болгон тохирдоггүй. Номын санч хэрэглэгчдийн сонирхолын өөрчлөлтийг хүлээн авахад бэлэн байх ёстой.

5. Хөдөлмөрийн нөхцөл нь ариун цэвэр, эрүүл ахуй, физиологийн төдийгүй гоо сайхны хүчин зүйлүүдээр тодорхойлогдоно. Ер нь үйлчилгээг сайн зохион байгуулах, өнгө үзэмжтэй тавиур, ширээ сандал зэрэг тоног төхөөрөмж, байрны хана, шал, таазны өнгө будгийн зохицол, гоёмсог үзүүлэн, зурагт хуудас, зар чимэглэл, өрөлт хураалт, байрлуулалт, орчин тойрны тохижилт ихээхэн нөлөөлдөг.
Ажиллагсдын гоо сайхны соёл энэ нь хувцаслалт, намба төрх, ажлын байрны эмх цэгц, үзэмж хүмүүсийн гоо зүйн түвшингээр илэрнэ. Үйлчилгээг гардан хийдэг хүмүүсийн хувцас энгийн, биед таарсан үзэмжтэй, цэвэр байх шаардлагатай.

6. Өнөөдөр хүн бүр өөрийн онцлогтой, өөр өөрийн сонирхолтой, орчин нөхцөл өөрчлөгдөж байгаа учраас тэд нартай харьцахын тулд номын санч бүр шинэ сэтгэлгээ, шинэ арга барилаар, орчин үеийн мэргэжлийн ухамсарын үүднээс хандах хэрэгтэй. Үйлчилгээний соёлыг дээшлүүлэх асуудлыг үйлчлэгч, үйлчлүүлэгч хоёрын аль алинд нь таашаагдах тохилог орчин бүрдүүлэхээс эхлэх хэрэгтэй.

7. Номын сангийн бүх үйл ажиллагаа нь уншигч хэрэглэгчдийн эрэлт хэрэгцээнд захирагдаж байдаг учраас номын санд таатай тохилог орчныг бүрдүүлэхэд их анхаарч ажиллах хэрэгтэй. Гадаадын номын сан судлаачид үүнийг гол зарчмаа болгон тунхаглаж байна. Энд зориулалтын байртай, уншигчдад тохирсон ажлын цагийн хуваарьтай, шаардлагатай орчин үеийн тоног төхөөрөмжтэй байхаас эхлээд уншигчдад ая тухтай байх бүх нөхцөлийг хангасан байна. Уншигч хэрэглэгчдийг инээж угтаж авах, үдэх, уншигчдын зан харилцаа болон ёс суртахууны доголдол гаргасан үед зөрчлийг зохицуулж тэднийг хүндэтгэн харилцдаг байх хэрэгтэй. Дээрх харилцааны хэм хэмжээг номын санч бүр мөрдлөг болгон харилцвал уншигчдад чухал нөлөөг үзүүлэх болно.

 

3-4 настай хүүхдийн уншуулах дуртай сэдэв

Хэвлэх PDF

      3-4 настай хүүхэд аливаа мэдлэгийг өөртөө сорох мэт шингээж авдаг. Тэд танин мэдэхүйн бүх төрлийн юмсыг бүхэлд нь уялдаа холбоонд нь тайлбарласан номонд дуртай байдаг. Яагаад гэсэн асуултанд хариулсан урт богино тексттэй, зурагтай, нээгдэж хаагддаг зурагтай номууд тэдний хувьд их тохиромжтой.

Үүнтэй төстэй номуудад нэмэлт даалгавар бүхий, бас бие эрхтэнүүдийн тухай тайлбартай зурагт ном, өнгө, дүрс, харьцаа, тоо, үсэгтэй номууд, зурдаг буддаг номууд энэ насанд тохиромжтой.

Ер нь энэ насны хүүхдийн ном сэдвийн хувьд өргөжиж, хийсвэр ойлголтууд болох айдас, зэмлэл, бишүүрхэх, ичих, нөхөрлөл, найз гэх мэт сэдвүүдийг хөндсөн ном байж болно. Мөн амьтдын тухай сэдэв гол сэдэв хэвээр байна. Түүнчлэн зан заншлыг хялбаршуулан, сонирхолтой байдлаар тайлбарласан, жишээ нь шинэ жилийн баярын тухай гэх мэт номуудыг энэ насныхан их сонирхон үздэг.


nomuud