Хүүхдийн Номын Ордон

4-5 насны хүүхэдтэй эцэг эх хүүхдээ хөгжүүлэх ба хүмүүжүүлэхэд дараах зорилго тавин ажиллах нь зүйтэй

Хэвлэх PDF

Үүнд:

  1. Юуны өмнө хүүхдийг эрүүл мэндийг бэхжүүлэх, чийрэгжүүлэх, үндсэн хөдөлгөөнийг нь хөгжүүлэх. Ямар ч үед хүүхдийн биеийн галбир  дээр анхаарч зөв явах, суух, зогсож сургана. Эрүүл ахуйн дадал хэвшлийг бэхжүүлэх.
  2. Хүүхдийн ажигч, сонирхлыг нь хөгжүүлэх.
  3. Өөрийн гэр орон, орон  нутагтаа, өөрийн явж байгаа цэцэрлэгтээ хайртай байх хүмүүжлийг үргэлжлүүлэн хөгжүүлэх.
  4. Хүүхдийн хэл яриаг улам сайжруулах, үгийн санг  нэмэгдүүлэх, хүүхэдтэй харилцан ярилцах яриаг хөгжүүлэх, өгүүллэг зохиолгох, тоглоом сэдэвт зургийг тодорхойлж яриулахад туслах.
  5. Ойр байгаа хүмүүсийн мэргэжил, хөдөлмөрийн ач холбогдлыг ярьж өгөх. Энгийн хөдөлмөрийн дадал хэвшил суулгах.
  6. Эхэлсэн зүйлийг дуусгадаг, хамт олны үйл ажиллагаанд оролцож сургах.
  7. Даруу , шударга ,  эрч хүчтэй ба зоригтой байх хүмүүжил олгох. Буруу юм хийсэн бол ичих ба бусдаас  уучлалт гуйдаг.  Энэ насны хүүхэд   гомддог учир  нийтийн дунд  хүүхдийг зэмлэхгүй байх. Ойр ойрхон хүүхдийг үгээр урамшуулж сайшааж байх нь чухал.
  8. Ном, тоглоом бусад зүйлтэй зөв харьцан гамнаж сургах
  9. Тоглоом, ахуй ,байгальтай зөв харьцах тэдний гоо сайхныг мэдрэх, хайрлаж гамнах, орчны сайхныг хүртэх чадварыг хөгжүүлэх, орчинд байгаа  сайхан зүйлээр бахархаж сургах.
  10. Урлагийн бүтээлийн агуулгыг нь  ойлгох чадварыг хөгжүүлэх, өгүүллэг, үлгэр, хөгжим анхааралтай сонсож сургах.
  11. Уран ярьж илтгэх, унших, сайхан (гоё) дуулах, хөгжмийн аянд  хөдөлгөөн хийж сургах зэрэг чадвар дадал суулгахад эцэг эх анхаарч хүүхэдтэй ажиллавал их  сайн. 

“Тэргүүний уншигч- Д.Нацагдорж тэмдэгтэн” шилдэг уншигч шалгаруулах сүлд модны наадам

Хэвлэх PDF

     ХНО нь жил бүр “Тэргүүний уншигч- Д.Нацагдорж тэмдэгтэн”  шилдэг уншигч шалгаруулдаг уламжлалтай. Энэ жил Хүүхдийн зохиолчдын “Эвт үзэг” төв болон СХД-ийн сургуулийн номын санчидтай хамтран сүлд модны наадмыг зохион байгууллаа. Хүүхдийн зохиолчдын “Эвт үзэг” төвийн тэргүүн Б.Нацагдорж, Соёл урлаг хөгжүүлэх сангийн мэргэжилтэн О.Сундуй, хүүхдийн зохиолч Л.Самбуу, Д.Батжаргал, Б.Доржсүрэн, Н.Мандал, Саалуут, С.Цэцэгмаа, нар хүрэлцэн ирэв. Баярыг ХНО-ны уншлага үйлчилгээний хэлтсийн дарга Г.Дарьсүрэн нээж үг хэлэв.

IMG 5706 IMG 5717
IMG 5733 IMG 5722
IMG 5749

IMG 5757

“Тэргүүний уншигч-Д.Нацагдорж тэмдэгт”-ний болзлыг хангасан 180 гаруй шилдгийн шилдэг уншигчдад тэмдэг, үнэмлэхийг уригдан ирсэн хүндэт зочид төлөөлөгчид хүүхэд багачуудад гардуулж баяр хүргэв. ХНО-ны уншлагын танхимуудаас шалгарсан шилдэг уншигчид  өргөмжлөл, номын бэлэг гардан авлаа. Сүлд модны наадамд өвлийн өвгөн аав цасан охид ,12 жилээ  дагуулан ирж хүүхэд багачуудад баяр хүргэн үг хэлж бэлгээ гардуулав. Мөн СХД-ийн сурагчид урлагийн тоглолтоосоо тоглож  сонирхуулан ирсэн зочид төлөөлөгчддөө мэндчилгээ дэвшүүллээ. 

IMG 5769 IMG 5804
IMG 5767 IMG 5809

Сүлд модны наадмын гол зорилго нь ХНО-ны уншлагын танхимаас шалгарсан болон нийслэлийн сургуулиудын тэргүүний уншигч хүүхдүүдийг алдаршуулах, хүүхдүүдийн бүтээлийг сурталчлах, шилдэг уншигчаар шалгарсан хүүхдүүд танилцаж, бие биенээсээ туршлага судлахад оршиж байлаа.

 

Номын сангийн тухай хуулийн төслийн эцсийн хэлэлцүүлгийг хийж баталлаа

Хэвлэх PDF

Номын сангийн тухай хуулийн төслийн эцсийн хэлэлцүүлгийг хийж, энэ талаарх Нийгмийн бодлого, боловсрол, соёл, шинжлэх ухааны байнгын хорооны танилцуулгыг УИХ-ын гишүүн Ё.Отгонбаяр танилцуулсан юм.

ns ns1

Тус байнгын хорооны ажлын хэсэг уг хуулийн төслийн анхны хэлэлцүүлгийг чуулганы нэгдсэн хуралдаанаар хийх явцад гишүүдээс гаргасан санал, төслийн зарим заалтыг гүйцээн боловсруулах талаар хуралдаан даргалагчаас өгсөн чиглэлийг тусгаж, төслийн эцсийн хувилбарыг бэлтгэн гишүүдэд тараасан байна. Ингээд төслийн зарим заалтыг гүйцээн боловсруулах чиглэлээр байнгын хорооноос зарчмын зөрүүтэй хоёр санал гаргасныг чуулганы нэгдсэн хуралдаанд оролцсон гишүүдийн олонх нь дэмжсэн тул хуулийг бүхэлд нь батлах санал хураалт явуулахад гишүүдийн 82.1 хувь нь дэмжлээ. Мөн уг хуулийн төслийг дагалдуулан өргөн баригдсан Соёлын тухай хуульд өөрчлөлт оруулах тухай хуулийн төслийг чуулганы нэгдсэн хуралдаанд оролцсон гишүүдийн 71.4 хувийн саналаар баталлаа.

Номын сангийн тухай хуулийн төслийг эцсийн хэлэлцүүлэгт шилжүүлэв

Хэвлэх PDF

         Улсын Их Хурлын 2014 оны намрын ээлжит чуулганы өнөөдрийн /2014.12.11.Пүрэв гараг/ үдээс өмнөх нэгдсэн хуралдаан 10 цаг 55 минутад 51.3 хувийн ирцтэй эхэлж, 6 асуудал хэлэлцэн шийдвэрлэхээр тогтов.

11 33

Чуулганы нэгдсэн хуралдаанаар эхлээд Номын сангийн тухай хуулийн төслийн анхны хэлэлцүүлгийг хийж, энэ талаар Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг УИХ-ын гишүүн Ё.Отгонбаяр танилцуулав. Тус байнгын хороо өчигдрийн хуралдаанаараа уг хуулийн төслийн анхны хэлэлцүүлгийг хийж чуулганы нэгдсэн хуралдаанд оруулж хэлэлцүүлэхийг дэмжжээ.

Манай улсад Үндэсний номын сан, Хүүхдийн номын ордон, орон нутгийн, их, дээд сургуулийн, мэргэжлийн сургалт үйлдвэрлэлийн төвийн, ерөнхий боловсролын сургуулийн, албан байгууллагын дэргэдэх, эрдэм шинжилгээний зэрэг нийт 1509 номын сан байдаг. Эдгээр нь харьяалал, салбар дундын зохицуулалтаас хамаарч санхүүжилт, сан хөмрөгийн бүртгэл, тооцоо, уншигчдад үйлчлэх орчин нөхцөл, номын хадгалалтын орчин зэрэг асуудал нь жигд бус шийдвэрлэгддэг байна. Мөн Үндэсний номын санд хадгалагдаж буй түүх, соёлын дурсгалт зүйлийн хосгүй үнэт, үнэт зэрэглэлд хамаарах цөөн тооны судар, гар бичмэл нь Соёлын өвийг хамгаалах тухай хуулийн дагуу бүртгэл тооллогод хамрагдан, хамгаалагдаж, хувийн номын сан, хувь хүнд хадгалагдаж буй гар бичмэл, судрын хадгалалт хамгаалалт, бүртгэл, тооцоо, үйлчилгээ нь хууль тогтоомжийн хүрээнд зохицуулалтгүй явж иржээ. Номын сангийн үйлчилгээг төрөөс дэмжих бодлого алдагдаж, төсөв хөрөнгө хүрэлцэхгүйгээс шинэ номын баяжилт хийх, материаллаг баазаа сайжруулах, уншигчдад тав тухтай орчин бүрдүүлэх, уншлага үйлчилгээг хурдан шуурхай хүргэх, хүний нөөцөө бэлтгэх зэрэг хүндрэлтэй асуудлууд тулгарч байгаа аж. Эдгээр шаардлагын үүднээс Номын сангийн тухай хуулийн төслийг боловсруулсан бөгөөд энэ нь анхдагч хуулийн төсөл юм.

22

Уг хуулийн төслөөр номын сангийн үйлчилгээ эрхлэх этгээд, түүний эрх үүрэг, Үндэсний номын сангийн эрх зүйн байдал, үйл ажиллагаа, номын сангийн үйлчилгээ болон уншигчийн эрхийг хангах, холбогдох бусад харилцааг зохицуулах юм байна. Хуулийн төсөл нь 7 бүлэг, 27 зүйлтэй юм. Хуулийн төсөл батлагдсанаар номын сангийн үйлчилгээг олон улсын стандартад нийцүүлэх, иргэдийн мэдээлэл авах боломжийг бүрдүүлэх, мэдээллийн үйлчилгээг хүртээмжтэй, чанартай хүргэж, иргэдийн оюуны хэрэгцээг хангахад дорвитой ахиц гарна гэж төсөл санаачлагч үзэж байгаа аж.

Хуулийн төслийг хэлэлцүүлэгт бэлтгэх үүрэгтэй байнгын хорооны ажлын хэсэг төслийг анхны хэлэлцүүлэгт бэлтгэх явцад 2 удаа, ажлын дэд хэсэг 1 удаа хуралдаж, гишүүдээс гаргасан зарчмын зөрүүтэй 15, найруулгын чанартай 16 саналыг дэмжиж чуулганы нэгдсэн хуралдаанд оруулж буйг Байнгын хорооны танилцуулгад дурдав.

Дэлгэрэнгүй...

УРИЛГА

Хэвлэх PDF
121

         Уран  бичлэг сонирхдог,
    сурахыг  хүсч буй та бүхнийг
    Хүүхдийн номын  ордны 
Уран               бичлэгийн дугуйлангийн 12-р               сарын хичээлд хүрэлцэн
    ирэхийг урьж  байна.

Хэзээ:   2014 оны 12-р сарын 20-нд 

                           13. 30 цагт

Хаана:   Хүүхдийн номын ордон,
                 Дорно дахины танхим 

122